Jab tak jivan rahta hai tab tak har kisi ke sath kuchh achchha hota hai aur kuchchh
bura.kuchh log jivan ke en anubhavo ko apne sath rakhte hai.aur kuchh log en par dyan nahi dete enhe bhul jate hai.jivan ke achchhe anubhav hame jeene ki prerna dete hai.aur jivan ke jo bure anubhav hote hai wo hame gltiyo ko sudharne ka avsar dete hai.
lekin kabhi kabhi purani bate ham par bojh bhi ban jati hai ye hamare vartman ke anand ko kharav kar dete hai.ham achchhi buri banto ke bojh ke tale dave rahte hai.din rat unhi ke bare me sochte rahte hai. ye hamare vartman ke anand ko kharab hi nahi karte balki hamare tanav ko bhi badhate hai.jisse ham vartman me jeene ki vajah bhutkal me hi dube rahte hai aur apne vartman ko kharav kar dete hai.ese ham ek chhoti si kahani ke madyam se sanajhne ka prayas karte hai.
Ek jangal me ek chidiya rahti thi wah jagah jagh ghumti rahti thi.wah kabhi sahir me jakar edhar udha ghumti thi to kabhi gavo me jakar kheto me ghumti rahti thi. wah apne jivan ka anand le rahi thi kabhi wah aasman ko chhune ki kosis karti to kabhi, nadi talav v jharne ke pass ghumkar anand leti thi.
Par chidiya ki ek aadat thi wah apne sath ek potli lekar chalti thi uske sath jo bhi achchha ya bura hota tha.utne hi paththar wah apne potli me rakh leti thi. sab suru me sab kchh achchha chal raha tha. mgar jaise hi din nikalte ja rahe the waise hi uske sath jivan me achchha v bura hota ja raha tha aur utne hi paththar wah apne potli me rakhti ja rahi thi jis karan uski potli bhari hoti ja rahi thi.
kuchh dino bad chidiya ki potali etni bhari ho gai ki uska udna muskil hota ja raha tha.use udne me kafi kathinaiyu ka samna karna padhta tha.jaise hi din veette ja rahe the uski potli bhari hoti ja rahi thi aur uski kathnaiya badhti ja rahi thi.
Ek samay aisa aaya ki ab chidiya ka jameen par bhi chalna muskil ho gaya. kyuki uski potali kafi bhari ho gai thi.wah jaha par bhi jati apni potli ko ghaseet kar lekar jati thi jisse use kafi mehnat karni padhti thi aur uska sarir chhilta ja raha tha. uske sarir mai jagah jagh ghav hote ja rahe the.lekin wah apni potli ko nahi chhodh rahi thi.aur abhi bhi wah apne jivan ke achchhe bure anubhav ko paththar ke rup mai rakhti ja rahi thi.ek di aisa aaya ki wah ek jagah simat kar rah gai aur mar gai.
Aisa hi kuchh ham logo ke sath hota hai.ham log apni purani banto me hi khoy rahte hai aur apne vartman ko kharab kar dete hai.apne jivan ke achchhe aur bure banto me khoy rahte hai jis karan chintao se ghire rahte hai.aur apne vartman ke anand ko kharab kar dete hai.hame apne jivan ki purani banto ko bhulkar apne vartman ka anand lena chahiye.hamesa chintao se mukt rahna chahiye.
No comments:
Post a Comment